Share This Post

Bicol News / Main Slider / Sorsogon News

Sorsogon, nilinaw an isyu sa hagad na makalusot sa ‘quarantine checkpoint’ an quarry materials na haling Albay

Dong Mendoza

LEGAZPI CITY – Klinarificar kan Sorsogon Provincial Government an isyu sa surat ki Regional Inter-Agency Task Force on Emerging Infectious Diseases chairman asin Depratment of Health (DOH) Bicol Director Dr. Ernie Vera na naghahagad nin permiso na paagihon an mga quarry materials sa checkpoints na hali sa Albay pasiring sa Sorsogon.

Ini makalihis na manotisyaran na kulang na an construction materials asin solamenteng pagkaon asin bulong an nakakalusot sa ikinaag na quarantine checkpoints.

Paliwanag ni Dong Mendoza, tagapagtaram ni Sorsogon Governor Chiz Escudero, gagamiton an mga nasabing materyales sa pighahabol na konstruksyon kan Sorsogon Dairy Farm na gagamiton bilang quarantine area kan mga persons under investigation (PUI) sa coronavirus.– Advertisement —

Sa intrevista kan Bombo Radyo Legazpi ki Mendoza, sarong eskalon na serye kan mga dorms an ikakaag sa lugar kun sain igwa nang saro na nakumpleto mientras na pigtatrabaho pa su iba.

Aminado suboot si Gov. Chiz na dae piglalaoman an siring na problema kaya pigpaparikasan na an paggibo kan aksyon.

Konsiderasyon man sana suboot an hagad kaini.Dong Mendoza, tagapagtaram ni Sorsogon Governor Chiz Escudero

Sa ngonyan, suway man an persons under monitoring (PUM) na nakadesignar sa Sorsogon State College.

Mientras tanto sa ibong kan 32% na pagbaba sa PUMs asin zero-case pa kan nagpositibo, pinag-aadalan suboot kan gobernador an pagcrear nin executive order na magtatao nin dugang na basehan sa mga city asin municipal health offices sa paghagad nin kooperasyon kan mga namamanwa.

By Bombo Ruffa Lozada

Source: https://www.bomboradyo.com/legazpi/sorsogon-nilinaw-an-isyu-sa-hagad-na-makalusot-sa-quarantine-checkpoint-an-quarry-materials-na-haling-albay/

Share This Post

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>